..: نوووووورة
..: يا هبيبي روه بيد روووم بعدين ماما شوف سوي جنجان واجد
فتحت عيوني ببطئ احاول اتجنب النور اللي سطع من الشباك، لقيت ميلا بوجهي.
ميلا: ليش ما في نوم بيد رووم؟
عقدت حواجبي احاول اتذكر وش صار امس، استوعبت بعد ما حاكيت امي وقلت لها اني موافقه عجزت انام وطلعت الصاله اتفرج على فريندز ونمت بالغلط. يا كثر ما انام بالغلط.
"ميلا بليز سويلي ساندويتش لبنه وشاهـي حبق"
رحت غرفتي حاولت اقوم غاده بس ما قويت، اخذت جوالي ورجعت الصاله لقيت ميلا حاطة لي اكلي .. فتحت الواتساب
فراس: شكلك نمتي، تصبحين على خير ❤️
"ايه معليش :$ صباح الخير ❤️"
كنت ابي احاكيه طبيعي على أساس اني للحين ما قررت لين ما امي تكلم امه العصر وتقول لهم
قعدت اقلّب بتويتر وانستقرام لين ما ردّ
فراس: صباح النوور يا مروّق :o
فراس: شفتي كيف قومة الصبح تفتح النفس
"تدري صدق وش يفتح النفس؟"
فراس: انا
"واثق =))"
صوّرت كوب شاهي الحبـق وارسلته
فراس: اوووه راعية مزاج =))
"ايييه ما اصحصح الا فييه"
فراس: بالعافيه ❤️
"الله يعافيك ❤️"
"طلعت للدوام؟"
فراس: اييه هذاني بالسياره
"Don't text while driving."
فراس: ليش؟
اووه نظام اعمل عبيط :)
"Because i said so"
فراس: اللهم إني اعوذ بك من شياطين الارض
فراس: ابشري ❤️
"كلب :o"
سكّرت جوالي وقعدت مقابله الجدران، مشكلتي اذا قمت مستحيل ارجع انام حتى لو اني ما نمت الا ربع ساعه. تمقلت بالجدران لين ما قامت أمي
أمي: وش صاير اليوم نورة قايمه :o
"ما تعرفين بنتك؟ نمت بالصاله وقومتني ميلا وعجزت ارجع انام:("
أمي: الله يرزقني كثر ما تنامين بالغلط
"امين =)) اسويلنا قهوة؟"
أمي: لا خلي ميلا تسوي، انا بحاكيك بموضوع
"سمـي؟"
أمي: اليوم ان شاء الله بكلم ام فراس، بس لازم نحدد انا وانتي متى الملكه لاني عارفه انها بتسأل وانا لازم يصير عندي خلفيه قبل
"والله يمه انا اقول اقل شي نخليها بعد شهرين"
أمي: ما تحسين انه واجد؟
"لا خليني هذا الفتره اجهز للملكه على رواق عشان ما اضغط نفسي بفتره قصيره ومنها عشان اذوّب الحاجز الجليدي اللي بيني انا وياه"
أمي: اللي تشوفينه يا بنيّتي، طيب وملكة الرجال نفس اليوم؟
"لاااااا حوسة مره، انا اقول قبل باسبوع"
أمي: هو وشلون قبل باسبوع؟
"يعني يجي هو وابوه وعمانه والشهود..الخ والمأذون وأوقع انا ونعشيهم و يروحون، بعدها باسبوع يجي هو وامه وخواته ويصير عاد التلبيس والتصوير وذي الاشياء"
أمي: انا اقول قبلها بيومين ولا ثلاثه، كثيره اسبوع
"خلاص اللي تشوفين، بس اهم شي مب نفس الليله"
أمي: إن شاء الله
غادة: خالتي بنتك هذي لو احد يعطيني فتوة بس ان القتل يحوز قسم بالله لا افرّغ رشاش براسها.
"جتنا الثانيه. تراك تلعبين COD واجد"
غادة: don't get on my nerves!
أمي: لا تخربطن بالانقليزي
"ابشري=))"
تقهوينا وقامت امي غرفتها بعد ما غسلو عقلي هي وغادة اني اطلع اتغدا عشان ما "اتقوقع" كانت الساعه ١:٣٠ وحنا بنطلع على ٣ ، فتحت جوالي وكلمت فراس
"وينك؟"
فراس: أبد والله بميامي أسوي تان
"-_-"
فراس: ايه مافي فرق بين ميامي والميناء الجاف. انصهرت الله يجيرنا من نار جهنم بس
صورت قارورة المويه الباردة وتعمّدت ابين المكيف وراها :$
فراس: ما ودي أتحسب عليك بس.
"نمزح=)) وش موديك؟"
فراس: شحنه موقفينها المختبر حسبي الله عليهم، بزنس ابوي مب الشركه
"استغربت قلت وش يوديك=))"
فراس: لالا اصلًا الحين بريك غدا بس ابوي دق علي لان الميناء قريب من دوامي
"احسبك خلصت دوام =))"
فراس: قطاع خاص ما اخلص الا ٥ 3/>
"الله يعينك :o=))"
فراس: اميين، وش عندك اليوم؟
"سو فار ولا شي بس بطلع اتغدا مع غاده"
فراس: سو فيل
"ايش؟"
فراس: فار وفيل وحديقة حيوان وكذا
"تدري وين حديقة الحيوان؟"
فراس: بمخرج ١٤؟
"لا والله. حديقة الحيوان معشعشه بمخك يا حيوان:)"
فراس: هذا وانا منلطع تحت الشمس مع ابو هنوده اللي ريحته واصله اخر الرياض مروق و انكت وانتي تحت المكيف يالله من فضلك منفسه علي
"اذا بتتسيمج الله يعافيك لعد تروّق"
فراس: الشرهه علي انا 3/> خلاص من اليوم ورايح اوريك العين الحمرا
"اقول لا تتحلطم بس"
فراس: طه
"بروح البس عشان بطلع، مع السلامه"
فراس: ما عندنا بنات يطلعون.
"-______-"
فراس: انتي تقولين لا تروق =))
"ما ينقال لك شي :)"
فراس: امزح انتبهي على نفسك ❤️
"ان شاء الله ❤️"
-----
-زعتر وزيت، الساعه ٣:٤٧ العصر-
ريما: يازيين الفرع ذا فاضي مب زي اللي بالتحليه اعوذبالله
"اييه احب هذا الفرع مره، هادي بزياده ورايق واكلهم لذيذ"
سارة: ياشينكم عجايز
سارة ما تحب الهدوء، انسانه اجتماعيه على عدّة مراحل. تحب الصجه واللجه والاماكن المزدحمه اللي مليانه ناس، عكسي انا وريما؛ نحب الاماكن الهاديه اللي لو ترمون فيها دبوس تسمعون صوته .. ومكتفين ببعض ودايم صعبه بالنسبه لنا مرحلة البدايه في اي علاقة جديده. اصلًا فكرة تكوين علاقات جديدة صعبه بالنسبه لنا. وعن نفسي؛ اكره التغيير الكثير واذا استوطنت على شي صعب اغيره .. والتأقلم في بيئة جديدة يحتاج وقت طويييل بالنسبه لي.
لفّيت على غادة اللي كانت تلعب بأكلها وسرحانه بوادي وحنّا بوادي وكلّمتها بصوت واطي
"فيك شـي؟"
ما ردت عليّ.
"بنت، اكلمك فيك شي؟"
غادة: هاه وشو وش تبين؟
"باللهِ؟"
غادة: وش فيك؟
"انتي اللي يبيلك تجاوبين موب انا. وتراك بتجاوبين بالبيت"
خلال النقاش الصغير اللي دار بيني انا وغادة، جوالي كان يدق بس حطيته سايلنت. كمّلنا اكلنا ورجعنا مع ساره انا وغادة نزّلنا غادة ببيتها أول بعدين نزّلتني سارة بيتي. طلّعت جوالي بدق على غادة بس لقيت missed call من فراس؛ تلقائيًا رحت غرفة أمي.
"يمة كلمتني ام فراس؟"
أمي: ايه، ليش؟
"لا بس اسال"
سكرت باب الغرفه وفتحت الواتساب.
فراس: يعني كذا تلعبين بأعصابي؟
فراس: اخيرًا أقدر اناديك زوجتي!
فراس: شكلك للحين ما رجعتي
فراس: اذا رجعتي كلميني ❤️
"توني ارجع"
"وراك مستعجل، توّي خطيبتك بس =))"
فراس: طيب خليني أتخيل على الأقل؟
"شكلك تحب تتخيل واجد"
فراس: صرت
فراس: تدرين ليش صرت أحبّ خيالي؟
"ليش؟"
فراس: لأنه يختصر لي البعد ويجيبك، يختصر لي المسافه والوقت اللي قضّيته وبقضيه وأنتي منتِ بجمبي ويقرّبك لمي .. تلوميني لامن حبيت الخيال؟
"حكيك يشلّني، انسى وش أرد :£"
فراس: بسم الله عليك
فراس: أتخيّلك كل ما غابت ومال الضلال .. واتخيّلك في الكثير من الوله؛ واحتريك! واعيش داخل تفاصيلك على كلّ حال .. واعيش لاجلك، ومعك وعندك وفيك!
"❤️"
تعرفون القلب بالواتس اب اذا ارسلتون لحاله يصير كبير ويسوي حركات بهلوانيه:$
ما كنت ادري انّ خيالي وخيالك بيعلّقني فيك .. جاهله؛ ما كنت أدري بيجي يوم، خيالي وخيالك بيبعدوني عنك .. ما كنت أدري إنّ جروح الخيال ما تتسكر .. وكسوره ما تنجبر ..
فراس: إلا نورة
"سم؟"
فراس: من زمان ما أمطرت عليّ
فراس: قولي لامك؛ فراس يحبّ المطر واجدد وجايزٍ له، تسمحين له يسمع صوت المطر؟
"وش دخّل أمي بالمطر :|؟"
فراس: انتي بس قوليلها
"طيب، مجنون=))"
فراس: Cheesy Alert
"Oh please don't"
فراس: okayyy=))
رحت الصاله ولقيت أمي قاعده وتقلّب بالقنوات
"يمه"
أمي: هلا
"فراس يقولك انه يحب المطر واجد وجايزٍ له ومن زمان ما أمطرت عليه ويقول تسمحين له يسمع صوت المطر؟"
أمي: هاوو انا وش عل- اييييييييييييييه -وقامت تضحك-
"وش السالفه :|"
أمي: شكل أم نزار قباني مرضعه فراس على ذا الرومانسية =))
حمّرت خدودي وضحكت وانا للحين مب فاهمه السالفه، مدت لي امي جوالي؛ كان مفتوح على رقمي
أمي: شوفي وش اسمك
-فلاش باك، ٢٠١١-
"الللله! اغنية مجيد الجديده تبكييييي :("
أمي: الله يكملك بعقلك بس =))
"يمه امانه اسمعي الكلمات مره حلوه! الله يرزقني بشخص يقول لي كذا"
أمي: اهجدي
"امانه عطيني جوالك:("
أمي: ليش؟
"بسمّي نفسي"
أمي: استغفرالله=))
عطتني جوالها وفتحت على اسمي، غيّرت اسمي لـ "صوتها عندي أنا مثل المطر"
-end of flashback-
ابتسمت وفتحت جوالي
"بسم الله شلون دريت!"
فراس: الطير الاخضر قال لي
"لا صدق كيف =))؟"
فراس: امك مسويه share contact لامي بالواتساب وامي سوّت لي forward =))
"اوه :$ "
فراس: هاه تسمحلي اسمع صوت المطر؟
"تقولك ايـه"
بعدها بدقيقتين، نوّر جوالي وكان اسمه على الشاشه .. نفس الشعور اللي ببطني يوم الشوفه صار يوم شفت اسمه. الشي الوحيد اللي زاد ان بطني مب بس كان يرقص سامري، الظاهر كان يرقص عرضه بعد :) اخذت جوالي وقمت لغرفتي، عديت لين ٥ وردّيت
فراس: الـو؟
يوم سمعت صوته، حسيت زايد الصالح مسوي كونسرت ببطني بعد. حسيت لساني انشلّ وكأن الحروف انبلعت وعيّت تطلع.
فراس: نـورة؟
صوته كان رجولي وخشن، شي ما تعوّدت عليه مره .. الصراحه اني خفت شوي. استوعبت اني لازم ارد واخيرًا تمتمت كم حرف
"ا-الو"
فراس: شلونك؟
"الحمدلله، انت؟"
فراس: احد يسمع صوت المطر ولا تردّ روحه؟
حسيت الدم يغلي بعروقي وعضلات وجهي استبعدت خيار انها توقف الابتسامه. ضحكت وقمت اناظر السقف افكّر وش ارد.
فراس: اخيرًا هلّ علي المطر .. بس ما كن المطر صوته واطي؟
"لا يتهيأ لك =))"
فراس: الحين هنا ما ينسمع لك صوت بلياله تتكلمين وبالواتس اب تقولين لي يا حيوان وتشرشحيني💔
ضحكت هالمرّه من قلب وطلعت ضحكة الطقاقات الصدقيه=))
فراس: ضحكتك فيها بحّه
"والله؟"
فراس: مب بس ضحكتك، حتى صوتك
"انا صوتك... مدري"
فراس: باللهِ =))؟
"صدق يعني مدري كيف ينوصف بس صوت رجال"
فراس: Pardon me? =))
قالها وهو يتصنع الصوت الناعم
"Oh believe me you're making it worse"
فراس: امزح خلاص =))
طقّ باب غرفتي
"لحظة فراس"
حطيته ميوت.
"ميين؟"
سمعت صوت غادة تشاهق، نطيت من السرير وفتحت الباب؛ مجرد ما فتحته انهارت غادة على كتفي وهي تصيح وتشاهق.
