Chapter 3

صحيت من صوت جوّالي اللي عيّا يسكت، غادة. 

"ترى missed call واحد يكفي. اذا ما رديت يعني نايمه. ماله داعي ازعاج."

غادة: ٥ دقايق وانتي جاهزه

"هييه وشو خ-"

قفّلت بوجهي:) سكرت جوالي وخميت مخدّتي .. ما امداني اغمض عيوني 

غادة: انا مو قلت خمس دقايق؟ 

"ياربّي انا وش سويت بحياتي. غاده انقلعي امس طالعه معك وش تبيين!"

غادة: تكفين خنطلع نفطر مره مشتهيه وادك:( 

"الحين مقومتني من صباح الله خير عشان كذا؟"

غادة: نوورررة:((

"خلاص قمت اصلًا طار عنّي النوم. بس طلعه منب طالعه."

غادة: عجوز ابليس قسم بالله. 

اكملت روتيني اليومي المُعتاد، أخذت لابتوبي وجوّالي وطلعت الصاله 

"تبين نشوف مسرحية؟"

غادة: ايييه! 

"مره اشتهي اشوف شي مصري، شاهد ماشفش حاقة ولا مدرسة المشاغبين؟"

غادة: مدرسة المشاغبين، بس اصبري لا تشغلينها الحين ارسلت السواق يجيبلنا من منؤوشة اذا جا الاكل نشغله

"موسوسه=))"

فتحت جوّالي أو بالأحرى محادثة فراس

"وانت من أهله ❤️" 

"بحفظ الله"  ١١:٢٣

فراس: كلميني اذا صحيتي ❤️ ١١:٢٣ 

كان الـ last seen حقّه قبل ساعه، يعني صاحي. 

"صبـاح الخير"

فراس: صبـاح النور ❤️

فراس: قايمة بدري ماشاءالله=))

"اييه نومة السطح قلبت نومي، امس نمت بدري"

فراس: شلونك؟

"الحمدلله بخير، انت ؟"

فراس: بخير دامك بخير 

"❤️"

فراس: i know this might sound weird, but tell me 10 facts about yourself and i'll give you 10 

"You go first, and please make it 11 i hate even numbers :&" 

فراس: طيّب=))

فراس: 

١- كنت أحبّ الصبح بس هالفترة حبّيت القمرة وسوالفها

٢- مستحيل أكمّل يومي بدون قهوتي 

٣- مستحيل أنام والنور مولّع 

٤- أكره الكتب وأملّ منها بسرعه 

٥- بالبداية تخصصت قانون وكمّلت فيه أسوأ سنه بحياتي، بعدين قلبت تسويق واخذت ماجستير ادارة اعمال

٦- اكره اسوق بشكل غير طبيعي 

٧- احب الشتاء والمـطر 

٨- اذا بديت شغله ما ارتاح لين اكمّلها

٩- افضّل المسلسلات على الافلام 

١٠- رقمي المفضّل ٤ 

١١- أتمنى أقضي كل ثانية بعمري معاك 

قريت رقم ١١ وحسّيت بتجمع الدم بخدودي، هذي غير رقم واحد اللي حسيتها مدحه بطريقة غير مباشرة :$ ما كنت ادري وش اسوي .. ارد عليه ولا اكمّل السالفه واسوي نفسي ما قريت ؟

فراس: دورك =))

" ١- ما أحب أتكلّم عن نفسي أو بالأحرى ما أعرف أتكلم عن نفسي

٢- a bookworm 

٣- أفضّل الأغاني القديمه سواءً بالعربي أو بالإنقلش

٤- أسعد أيام بحياتي أيام اكتمال القمر

٥- كل مشاعري تنعكس على وجهي، بالعربي وجهي يفضحني

٦- عكسك، مستحيل انام والنور مطفّى

٧- مستحيل ادرس، اطبخ، انام، اكل مستحيل اسوي أي شي بدون ما أشغّل شمعه

٨-  i use writing as a vehicle for my feelings when i bottle them up, which i always seem to do 

٩- indecisive on so many levels 

١٠- أحب المصاريا، شعب سعيد =)) 

١١- as a teenager, برامجي المفضّله كانو اوبرا ودوكتر فيل =))

غادة: يلا جا الاكل! اتركي جوالك وخنشوف المسرحيه امانه نورة طفشت تراني:( 

طفّيت جوالي وشبكت اللابتوب على التلفزيون وشغلت المسرحية، فتحت جوالي وكان فراس typing

"بشوف مسرحية مع غاده، ابثرتني تقول اتركي جوالك=)) احاكيك لما اخلص"

طفيت جوالي للمرة الثانيه وانتقل نظري مع التلفزيون بس مخّي كان لسا مع جوالي .. 

---

كنت قاعده امسح دموعي، صوتي راح وضحكتي صار فيها بحّه. ايه نعم، انا من الناس اللي اذا ضحكت اصيح من الضحك. 

غادة -تضحك- : يالله امانه عيدي المقطع 

ما قدرت اتحرك من الضحك وغادة زاد ضحكها من ضحكي، حالتنا يُرثى عليها=))

عزيز: ماشاءالله ضحكوني مع- الله مدرسة المشاغبين! 

نط على الكنبه وبدا ياكل ويتفرج معانا، بعدها بشوي جا فيصل واكتمل الرباعي المرح=)) اشتقت لهذي الأيام .. بس ناقصتنا جود. 

------

وقّفت قدام دولابي وكتفت يديني، بدأت رحلتي لتجهيز لبس للعزيمه. 

-هذا قصير 

-هذا ضيّق

-قد شافوه علي

-Too simple

-Too puffy 

-غادة بتلبس واحد يشبه له 

فقدت الأمل ورحت غرفة أمي. 

"يمه مالقيت شي البسه:("

أمي: الحين ٣ دواليب بغرفتك وش كبرهم ولا لقيتي شي ؟

"والله يمه:( واحد قصير الثاني ضيّق وواحد قد لب-"

أمي: بس بس! صجيتيني. تعالي

دخلت أمي غرفة ملابسها ودخلت وراها، طلعت لي فستان أول مره اشوفه عند امي 

"الله يمه! وشو هذا اول مره اشوفه!"

أمي: هذا اذكر خيطته لي خالتك منيره أول أيام زواجي، عاد كنت ضعيفه وش زين جسمي زيّك .. قلت يمكن يجي قدك"

"انا ضعيفه يالظالمه؟"

أمي: ايه والله جلد وعظم كل ما جعتي اكلتي لك علبة زبادي ولا لبنه 

"انا قايلة عروقي لبنانية =))"

أمي: يلا قيسيه

It was an off shoulders classic dress. It's color was a dusty, vintage shade of rose .. The top part was fitted and as i said, off shoulders .. it was ruffled with two layers only, simple. The bottom half of the dress was puffy and It had the perfect length, reaching beneath my knees only few centimeters. My type of dress. 

أمي: ماشاءالله تبارك الرحمن، الله يحفظك يا بنيّتي كنه مخيوط لك تبارك الله

احمرّت خدودي وطالعت نفسي بالمرايه .. كان عاجبني الفستان واجد! 

"شكرًا يا أحسن أم بالدنياااا"

أمي: عفوًا يا مصلحه

بديت أسوي الميك اب حقّي، العزيمه ببيت خالتي حنان، أم غادة. العزيمه هذي تصير كل ٦ شهور يجتمعون فيها خوال امي وخوالي وخالاتي وناس ما أشوفهم الا بالسنه مرتين. ما كنت ابي اكثّر ميك اب، اكتفيت بطبقة مسكرة، كونسيلر، cheek stain و محدّد. 

I waved my hair as i let it loose, i gathered a strand of my hair behind my ear with a pearly headpiece, slipped in my glossy, off-white YSL heels as i grabbed my chanel cross body and went down the stairs. 

فيصل: يعني كذا العرايس يحلوّون ولا شلون؟

غطيت وجهي بيديني، أحاول أخفي احمرار خدودي 

أمي: يلا يمّي البسي عباتك لا نتأخر 

لبست عباتي، تحجّبت وطلعت. بيت غادة كان براس الحارة .. ما كان يحتاج سيّارة بس دلع =)) 

أمي: نـورة

"سمّي يمه ؟"

أمي: ما ودّي أضغط عليك بس ترى طوّلنا على خالتك حصّة (أم فراس) 

ما كنت ادري وش ارد، اكتفيت بالصمت وسكّرت باب السياره 

أمي: اسمعي يا بنتي، انا اشوف بعيوني اذا احد سألك عنّه كيف تحمرين وحتى اذا حاولتي تخفين ابتسامتك ما تخفى علي، اذا صيدك بالتردّد اللي انتي فيه الحين إنك خايفه من الزواج وخايفة تبدين حياة جديدة .. ترى كلّنا مرينا بهالفتره، ما أقولك لا تخافين عادي الخوف من شي جديد عليك بس تأكدي وأوثقي ١٠٠٪ إنّ ربي كاتبك لك اللي فيه الخير .. وماراح يصير الا اللي ربّي كاتبه .. وتفائلي، ترى أهم شي تدخلين العالم الجديد هذا وإنتِ متفائلة .. ( أنا عند ظن عبدي بي ) صدقيني إذا تفائلتي، بتجذبين الأشياء الكويسه لك .. انتِ تملكين طاقة إيجابيه كبيره .. هي اللي بتساعدك .. نصيحتي يا بنتي كرّسي هذي الطاقة في بداية حياتك عشان تعمّر معاك طول عمرك 

كلامها أثّر فيني، في بعض الكلام إذا انقال لك، تتأكدين مية بالمية إنك مارح تنسين ولا حرف منه .. كلام أمي كان واحد منهم. 

"ان شاء الله يمّه"

كملنا باقي الطريق بهدوء والصمت ساد المكان، بعد تقريبًا دقيقتين وصلنا

---

ازعاج. كل ثنتين بالمجلس يسولفون مع بعض. انصجّيت. طلعت الحوش، كان فيه بزران يلعبون بس الله يحلّل ازعاجهم عند ازعاج مجلس الحريم :) طلّعت جوالي، كانت سارة محاكيتني، قروب البنات كان واصل ٣٠٠ وفراس محاكيني. دخلت التشات حق فراس أوّل لأني ما فتحته بعد ما قلت له اني بشوف مسرحيه 

فراس: although we don't have a lot in common, but your personality is interesting 

فراس: i have a lot to know about you 

فراس: enjoy❤️

فراس: حاكيني لما تخلصين

فراس: استغفرالله لو ابدا اقولك عن ايام مراهقتي كان سويتيلي بلوك=))

"Indeed you do"

"You have such an interesting personality as well"

"معليش يوم خلصت قعدت البس عندي عزيمه"

"شكلك مهبّب=))"

كان اونلاين وانا اكتب

فراس: يا كثر عزايمكم يالحريم 

"تستهبل؟ كلها مجاملات وزحمه واسلم على ناس ما اعرفهم حتى" 

"هذا غير سالفة اني ٤ ساعات اقابل الدولاب ادوّر لي لبس، انتم ثوب واحد طول السنه تلبسونه بكلّ مكان :)"

فراس: تنرحمون =)) 

فراس: بعدين تعالي تعالي

فراس: انتي من الناس اللي يقولون دولاب=))؟

"اجل وش اسمه-.-"

فراس: دالوب يا فالحة=))

"وشو دالوب الله يصلحك :|=))"

"لو أقولها ٣ مرات طلع لي جنّي"

فراس: أجل دولاب -.-

"ايـه 3-|" 

فراس: ولا تزعلين دولاب =))

جت وحده من البنات وقعدت جنبي، سكّرت جوالي .. ما كنت ابي احد يفهم غلط لأن توّي ما وافقت وتوّنا ما اعلننا

موضي: تحبين الأطفال شكلك =))

"اييه فيهم براءة نقيّه وقدرة كبيره للحب، ونيّتهم صافيه"

موضي: ما ودي أخرّب عليك دُررك بس هذاك أول، الحين البزران مافيهم براءة =))

ضحكت، يا حليلها وسّعت صدري

موضي: انا خلاص معد استحمل ازعاج العزايم، مسكينة غاده شكلها ميته طفش جت تبي تطلع عندك وعطتها عمّتي حنان نظرة انا قمطت وانا مالي دخل =))

"يووه الله يعيننييي بتلعن جدفي لاني سحبت عليها =))"

موضي: تعالي خنّرجع الصبابات جابو ضيافة الشاهي *.*

"الله *.*=))"

دخلنا المجلس، ما يحتاج أوصف لكم تعابير وجه غادة .. مسكينه =)) 

---

واخيرًا طلعت اخر ضيفه وما بقا الا خالتي اماني وبنتها لمى وموضي بنت خالي فهد هي وأمها .. طلعو كلهم وما بقا الا انا وامي

أمي: يلا نـورة البسي عباتك خنّرجع، تعبت وجاني النوم

غادة: لا خالتي تكفين خلّي نورة تنام عندنا 

"لالا أمانه انتي تعالي وخنشوف موڤي، حملت castaway امس ومتحمسه اشوفه"

غادة: طيب بس ياخي بيتنا فيه اكل:( 

"ناخذه معنا مافيها مشكله=))"

غادة: طيب اصبري بسأل أمي

سألت امها وجت معنا، أول شي سويته يوم دخلنا البيت فصخت كعبي وحسّيت ببرودة البلاط على جلدي .. جرّيت نفسي وانا اطلع الدرج ودخلت غرفتي وانا اتثاوب، دخلت غادة وراي 

غادة: أقول ما ودّك نخلي الموڤي بكره؟ -قالتها وهي تتثاوب-

"ايه والله احس مخي موب مستعد اني اركز مع موڤي وافهم قصّته" 

غادة: تصبحين على خير 

"وانتي من أهله"

قعدت أتقلّب على سريري .. عجزت أنام. ناظرت الشعله حقت الشمعه اللي كانت على التسريحه .. كيف تتآكل وتاكل بنفسها وتحرق الشمع اللي تحتها .. كان المنظر عاجبني .. النّار تعلى وتخف والشمع الذايب يعكس ضيّ النار. 

-AM 2:56- 

طقّيت على باب أمّي بأيدي اللي كانت ترجف .. ما أدري هو من البرد ولا من القرار اللي اتّخذته. سمعت أمي تصفّق، وهذا من مصطلحات أمي وهي تصلي معناته إدخلي. 

دخلت وقعدت على طرف السرير البارد وانتظرت أمي تخلّص صلاة .. لهيت ببحر أفكاري بدون ما أستوعب إنّ أمي خلصت وقعدت قدامي. 

أمي: هلا يمّي وش بغيتي؟

"يمه أنا استخرت، واتّخذت قراري." 

حسيت عيون أمي شوي وتطلع من مكانها من الحماس، وبدت تلمع ما ادري اذا هي دموع ولا تحمّس ولا سعادة أو حتّى خوف وترقّب .. 

"أنا موافقة." 

.

.

@Nblogging